Arslan Mehmood: Urdu Poetry

Bichar Kay Bhi Mujhe Tum Sa Ya Badgumaani Hai
Ka Meri Yaad Bhi Kabhi Tujhe To Aani Hai

Na Pooch Haal Kisi Bhi Udaas Chahray Ka
Har Aik Shakhs Ki Apni Kahani Hai

Har Aik Shahkhs Ko Apna Bana K Dekh Lia
Milain Gay Ab Na Kisi Sa Ya Dil Ma Thaani Hai

Shajar Udaas Hain Chirioon K Chah-chahay Gum Sum
Kah Teray Baad Ya Tanhaa Si Zindagaani Hai

Na Dosti Hai Sehar Sa Na Dushmani Shab Sa
Youn Hi Ya Zindagi Ab To Husan Nibhaani Hai

Un dino,
Jab tum they yahan,
Andhere dekhkar tumko jagmagate they,

Murjhaaye huae phool bhi,
Pal bhar mai khil jate they,

Bhanron ki shararat tum se thi,
Rangon mai rang ghul jate the,

Un dino,
Jab chand raaton mai pura sa dikhayi deta tha,
Jhilmilate taaron ke labon par,
Naam tumhara rehta tha,

Bahon ko phelaye raaste,
Bas tumko bulaya karte they,

Manzil ka pata wo khud chalkar,
Tumko bataya karte they,

Un dino,
Jab meri ghazalon ko,
Tere geeton ki sargam milti thi,

Jab mere dil ki ganga se,
Tere dil ki yamuna milti thi,

Hawaon ka aana jana tha,
Teri zulfon ki dehleezon par,

Aanchal mai chupakar rakhti thin,
Tum ghanghoor ghataon ko,

Na koi kami jeewan mai thi,
Jab tum meri bahon mai they,

Un dino,
Jab ke tum the yahan…

Woh Pathar-Dil Sahi Magar Hamara Bhi Yeh Daawa Hai,
Hamare Lab Jinhen Chuu Lain Woh Pathar Bol Uthte Hain..

Kya Bura Hai Ke Main Mohabbat Kar Loon,
Log Wese Bhi Tou Kehte Hain Gunahgar Hoon Mein..

Meri Chaahat Ka Mukhtasar Mausam,
Rizq Ki Justuju Mein Beet Gayaa..

Azeez-tar Woh Mujhe Rakhta Tha Rag-e-Jaan Se,
Yeh Baat Sach Hai Mera Baap Kam Na Tha Maan Se,

Woh Maan Ke Kehne Pe Kuch Raub Mujhpe Rakhta Tha,
Yehi Wajah Thi Mujhe Choomtey Jhijhakta Tha,

Woh Ashnaa Mere Har Karb Se Raha Har Dum,
Jo Khul Ke Ro Nahin Paya Magar Sisakta Tha,

Jurri Thi Uski Har Ek Haan Fakat Meri Haan Se,
Yeh Baat Sach Hai Mera Baap Kam Na Tha Maan Se,

Har Ek Dard Woh Chup Chaap Khud Pe Sehtaa Tha,
Tamaam Umar Woh Apnon Se Katt Ke Rehta Tha,

Woh Laut’ta Tha Raat Der Tak Din Bhar,
Wajood Uska Paseeney Mein Thal Ke Behta Tha,

Giley They Mujhe Phir Bhi Aese Chaak-Daama Se,
Yeh Baat Sach Hai Mera Baap Kam Na Tha Maan Se,

Purana Suit Pehenta Tha Kam Woh Khaata Tha,
Magar Khiloney Mere Sab Khareedta Tha,

Woh Mujh Ko Soye Huye Dekhta Tha Jee Bhar Ke,
Na Jane Soch Ke Kya Kya Woh Muskuraata Tha,

Mere Bagher They Sab Khawb Us Ke Wiraan Se,
Yeh Baat Sach Hai Mera Baap Kam Na Tha Maan Se..

Arslan Mehmood